ការផ្តួចផ្តើមរបស់យើងក្នុងការកសាងសមត្ថភាព សមាជិកក្រុមប្រឹក្សាមូលដ្ឋាន បានបន្តតាំងពីថ្ងៃទី ២០ ដល់ថ្ងៃទី ២១ ខែកក្កដានេះ នៅក្នុងខេត្តបន្ទាយមានជ័យ។ ក្រុមគម្រោងរបស់យើងបានរៀបចំសិក្ខាសាលាបណ្តុះបណ្តាលជាមូលដ្ឋានគ្រឹះមួយ ដែលមានការចូលរួមពីក្រុមចំនួនពីរ ដែលមានសមាជិកក្រុមប្រឹក្សាមូលដ្ឋានប្រមាណ ៥០ នាក់មកពីក្នុងខេត្តដដែល។ ព្រឹត្តិការណ៍នេះផ្តោតលើការវិភាគលទ្ធផល នៃការវាយតម្លៃសមត្ថភាពស្ថាប័ន ដែលយើងបានធ្វើរួមគ្នា ក៏ដូចជាលើវិធានការអភិវឌ្ឍន៍សមត្ថភាពបន្ថែម ដែលត្រូវការផងដែរ។ យើងបានបង្ហាញមន្រ្តី ពីរបៀបចូលប្រើមជ្ឈមណ្ឌលសិក្សាតាមអ៊ីនធឺណិត ហើយក៏បានពិភាក្សាអំពីតួនាទី និងការទទួលខុសត្រូវរបស់ថ្នាក់ដឹកនាំ និងគណៈកម្មាធិការនៃសមាគមក្រុមប្រឹក្សាទៀតផង។ អ្នកអាចស្វែងយល់បន្ថែមអំពីគម្រោង ដែលផ្តល់មូលនិធិដោយសហគមន៍អឺរ៉ុបមួយនេះបាន តាមរយៈតំណនេះ។
បន្ទាប់ពីការបណ្តុះបណ្តាលមក យើងបានផ្តោតលើការវាយតម្លៃតម្រូវការរបស់ប្រជាពលរដ្ឋងាយរងគ្រោះបំផុត ដែលរស់នៅក្នុងស្រុកមួយចំនួនក្នុងខេត្តបន្ទាយមានជ័យ។ រួមគ្នាជាមួយមន្រ្តីក្នុងមូលដ្ឋាន ដែលតំណាងឲ្យស្រុកទាំងនេះ ក៏ដូចជាដៃគូការអនុវត្តរបស់យើងនោះ យើងបានធ្វើការសម្ភាសន៍មនុស្សចំនួន ២៥០ នាក់ រួមមានជនមានពិការភាព ស្ត្រី និងប្រជាពលរដ្ឋដែលមានប្រាក់ចំណូលទាប ដើម្បីធ្វើឲ្យប្រាកដថាបញ្ហារបស់ពួកគេត្រូវបានគេយកចិត្តទុកដាក់ដោយអាជ្ញាធរ និងត្រូវបានស្វែងរកដំណោះស្រាយជូន នៅក្នុងបរិស្ថានមួយដែលមានការចូលរួម និងការដែលត្រូវបានគេរាប់បញ្ចូល។ យុទ្ធសាស្ត្រដូចគ្នានេះដែរ នឹងត្រូវអនុវត្តនៅក្នុងខេត្តទាំង ៦ ដែលគម្រោងរបស់យើងកំពុងតែអនុវត្តក្នុងនោះ។
