ដៃគូរបស់យើង

API រក្សាកិច្ចសហប្រតិបត្តិការដ៏ទូលំទូលាយ ជាមួយនឹងអង្គការសង្គមស៊ីវិលមួយចំនួន ដែលភាគច្រើនគឺជាដៃគូគម្រោងរបស់យើង។ ដៃគូទាំងនោះ គឺសុទ្ធសឹងតែជាអង្គការសហគមន៍ ដែលមានភាពសកម្មនៅថ្នាក់មូលដ្ឋាននៃឃុំ ឬក៏ស្រុកនានា ហើយពួកគេទាំងនោះ គឺជាគោលដៅដ៏សំខាន់មួយ ក្នុងចំណោមនៃការខិតខំប្រឹងប្រែងជាប់របស់យើង ដើម្បីឆ្ពោះទៅរកការផ្តល់អំណាច ការចូលរួមយ៉ាងសកម្មក្នុងការធ្វើការសម្រេចចិត្ត និងការទទួលបានព័ត៌មាន។ យើងមានមោទនភាពចំពោះដៃគូមូលដ្ឋានរបស់យើង ហើយយើងមើលឃើញថា កិច្ចសហប្រតិបត្តិការនេះជាទ្រព្យមានតម្លៃ ហើយក៏ជាអ្វីដែលធ្វើឲ្យ API មានភាពខុសប្លែកពីគេទាំងអស់។

ទន្ទឹមនឹងនេះ យើងមិនបានគិតថា ដៃគូរបស់យើងគ្រាន់តែជាអ្នកទទួលផលអកម្មនោះទេ ប៉ុន្តែជាតួអង្គដែលមានសិទ្ធិអំណាចក្នុងខ្លួន ក្នុងដំណើរការដ៏ទូលំទូលាយនៃលទ្ធិប្រជាធិបតេយ្យ និងទំនើបកម្មនៃសង្គមកម្ពុជា។ សំឡេងរបស់ពួកគេ គឺសំខាន់ណាស់ ពីព្រោះពួកគេជាតំណាងឲ្យប្រជាពលរដ្ឋ ដែលជាម្ចាស់សិទ្ធិ។ អ្នកអាចរកព័ត៌មានលម្អិតបន្ថែម និងក្តីបារម្ភរបស់ពួកគេ ដោយការចូលទៅក្នុងគេហទំព័រមួយទៀត ដែលបង្ហាញអំពីកម្មវិធីសំខាន់ និងគម្រោងបស់យើង។ នៅក្នុងចំណោមអង្គការសង្គមស៊ីវិលដែលសកម្ម និងត្រូវបានគេស្គាល់់ច្រើននៅក្នុងថ្នាក់ជាតិនោះ យើងសូមបង្ហាញឈ្មោះ និងអរគុណយ៉ាងជ្រាលទៅកាន់ដៃគូយើង ដែលមានដូចខាងក្រោម៖

API ប្តេជ្ញាចិត្តក្នុងការធ្វើការជាមួយគ្រប់ស្ថាប័នទាំងអស់ ទាំងជាតិ និងអន្តរជាតិ ដែលចែករំលែកគុណតម្លៃ នៃការតស៊ូមតិរបស់ខ្លួនក្នុងការផ្លាស់ប្តូរជាវិជ្ជមាន និង ដោយសន្តិភាពរបស់សង្គម។ API កសាងសមត្ថភាព និងគាំទ្រស្ថាប័ន និងអង្គការផ្សេងៗ ដែលការធ្វើដូច្នេះ អាចឲ្យពួកគេអាចដោះស្រាយបញ្ហា ក្តីកង្វល់ និងតម្រូវការរបស់ក្រុមជនងាយរងគ្រោះ នៅក្នុងតំបន់គោលដៅ។ កា​ររៀបចំភាពជាដៃគូនេះ គឺត្រូវបានរៀបចំឡើងដើម្បីទទួលបានទាំងលទ្ធផល និងការកសាងសមត្ថភាពទាំងថ្នាក់មូលដ្ឋាន និងថ្នាក់ជាតិ។ API មើលឃើញថាភាពជាដៃគូ គឺជាទំនាក់ទំនងមួយដែលមានខ្លឹមសាររវាង API និងអង្គការមួយ ឬច្រើន ក្នុងការចូលរួមចែករំលែកការទទួលខុសត្រូវ ក្នុងការធ្វើឲ្យមានសកម្មភាព ដែលមានប្រយោជន៍ចំពោះគ្នាទៅវិញទៅមក។ ដើម្បីប្រាកដថា សកម្មភាពទាំងនេះដំណើរការទៅយ៉ាងរលូន API ធ្វើការជាមួយដៃគូរបស់ខ្លួន ដើម្បីឲ្យមានការយល់ដឹងនូវគោលការណ៍នៃការអនុវត្តភាពជាដៃគូល្អ ដូចខាងក្រោម៖

• មុននឹងលិខិតដាក់ពាក្យគម្រោង ត្រូវបានដាក់ជូនឲ្យអាជ្ញាធរចុះកិច្ចសន្យា គ្រប់ដៃគូទាំងអស់គួរតែយល់ អំពីលិខិតដាក់ពាក្យនោះ និងតួនាទីរបស់ខ្លួន នៅក្នុងសកម្មភាពនៃគម្រោង។
• គ្រប់ដៃគូទាំងអស់ គួរតែយល់អំពីកាតព្វកិច្ចរៀងៗខ្លួនក្នុងកិច្ចសន្យា ប្រសិនបើជំនួយត្រូវបានផ្តល់ឲ្យ
• API នឹងពិគ្រោះជាមួយដៃគូខ្លួនឲ្យបានទៀងទាត់ និងផ្តល់ដំណឹងទៅពួកគេយ៉ាងពេញលេញ អំពីដំណើរការនៃសកម្មភាព
• គ្រប់ដៃគូទាំងអស់ គួរតែទទួលបានច្បាប់ចម្លងនៃរបាយការណ៍លម្អិត និងហិរញ្ញវត្ថុ ដែលក៏ត្រូវបានផ្ញើទៅឲ្យអាជ្ញាធរចុះកិច្ចសន្យាផងដែរ
• ការស្នើសុំសម្រាប់ការផ្លាស់ប្តូរសំខាន់ នៅក្នុងគម្រោង (ដូចជា សកម្មភាព ដៃគូ ។ ល។) គួរតែត្រូវបានយល់ព្រម ដោយគ្រប់ដៃគូទាំងអស់ មុននឹងប្រគល់ឲ្យអាជ្ញាធរចុះកិច្ចសន្យា។
• ការប្រជុំជាមួយដៃគូទៀងទាត់​ គួរតែត្រូវបានធ្វើឡើង ដើម្បីឲ្យប្រាកដពីការចូលរួមទាក់ទង ការដឹងពីបញ្ហាប្រឈម និងភាពជោគជ័យ ដែលឆ្លុះបញ្ចាំង និងចែករំលែកការអនុវត្ត ដែលល្អបំផុត។
• គម្រោងទូទៅគួរតែពឹងផ្អែកលើអនុស្សរណៈនៃការយោគយល់គ្នា ជាមួយនឹងយុទ្ធសាស្រ្ដច្រកចេញ ដែលច្បាស់លាស់ ក្នុងករណីដែលដៃគូខាងណា ចង់បញ្ចប់កិច្ចព្រមព្រៀង។

API ក៏ធ្វើការយ៉ាងជិតស្និទ្ធជាមួយអង្គការក្នុងជួររដ្ឋាភិបាលកម្ពុជាមួយចំនួន ដើម្បីធ្វើការចូលរួមចំណែកអភិវឌ្ឍដោយស្ថិរភាពយូរអង្វែង នៃលទ្ធិប្រជាធិបតេយ្យនៅក្នុងប្រទេស ការជួយតស៊ូមតិដើម្បីសិទ្ធិមនុស្ស ការកាត់បន្ថយភាពក្រីក្រ ការទទួលបានព័ត៌មាន ការពង្រឹងបទបញ្ញត្តិដែលមានស្រាប់ និងការអនុវត្តច្បាប់ឲ្យបានកាន់តែល្អប្រសើរ វិមជ្ឈការ និងវិសហមជ្ឈការ ការគ្រប់គ្រងធនធានធម្មជាតិ ប្រកបដោយប្រសិទ្ធភាព ស្មើភាព និងបញ្ហាដទៃទៀតជាច្រើន។ ស្ថាប័នរដ្ឋាភិបាល ដែលជាដៃគូរបស់យើងមានដូចជា៖