អឿន ស៊ីម
បន្ទាប់ពីបានបញ្ចប់ថ្នាក់បរិញ្ញាបត្រផ្នែកអក្សរសាស្រ្តភាសាអង់គ្លេស និងទស្សនវិជ្ជា ពីសាកលវិទ្យាល័យបៀលប្រាយ និងសាកលវិទ្យាល័យភូមិន្ទភ្នំពេញមក ខ្ញុំបានបញ្ចប់ថ្នាក់អនុបណ្ឌិតផ្នែកការអភិវឌ្ឍការគ្រប់គ្រងពីសាកលវិទ្យាល័យន័រតុន។ បន្ទាប់មក ខ្ញុំបានចាប់ផ្តើមធ្វើការជាទីប្រឹក្សា លើការអភិវឌ្ឍសមត្ថភាពឲ្យអង្គការក្នុងស្រុក និងអន្តរជាតិដូចជា VBNK GIZ និង SC។ ចាប់តាំងពីពេលនោះមក ខ្ញុំបានធ្វើការសម្របសម្រួល រៀបចំ និងផ្ដល់ជូនវគ្គបណ្តុះបណ្តាលមួយចំនួន សម្រាប់បុគ្គលិកអង្គការក្នុងស្រុក និងអន្តរជាតិ ភ្នាក់ងាររដ្ឋាភិបាល និងបុគ្គលិកក្រុមហ៊ុនឯកជនមួយចំនួន។ ប្រធានបទក្នុងនោះមានដូចជា ការគ្រប់គ្រងគម្រោង ភាពជាអ្នកដឹកនាំ និងការគ្រប់គ្រង ការរៀបចំសហគមន៍ គំនិតសម្រាប់ការអភិវឌ្ឍសហគមន៍ យែនឌ័រ ផែនការយុទ្ធសាស្រ្ត ការត្រួតពិនិត្យគម្រោង និងការវាយតម្លៃ ជំនាញនៃការសរសេររបាយការណ៍ ឬក៏ការអនុវត្តលើក្របខណ្ឌគណនេយ្យភាពសង្គម។
