នៅថ្ងៃទី ២៦ ខែសីហា ឆ្នាំ២០២១ គម្រោងច្រកចេញចូលតែមួយសម្រាប់ប្រជាពលរដ្ឋ (OW4C) ដែលឧបត្ថម្ភដោយទីភ្នាក់ងារ USAID សហការជាមួយរដ្ឋបាលក្រុងបាត់ដំបង បានរៀបចំវេទិកាសាធារណៈតាមអ៊ីនធឹណិតស្តីពីសេវាកម្មច្រកចេញចូលតែមួយ។ សមាជិកក្រុមប្រឹក្សាក្រុង អភិបាលរង ការិយាល័យច្រកចេញចូលតែមួយ (OWSO) និងប្រធានការិយាល័យស្រុក បានចូលរួមជាមួយក្រុមការងារគម្រោងរបស់យើង ហើយបានជួបប្រជាពលរដ្ឋជាង ៦០ នាក់ ដែលភាគច្រើនជាយុវជន និងស្ត្រី។ មន្រ្តីទាំងនោះបានបង្ហាញពីតួនាទី និងការទទួលខុសត្រូវរបស់ការិយាល័យទាំងពីរ ហើយបានឆ្លើយសំណួរជាង ២០ ដែលបានលើកឡើងដោយអ្នកចូលរួមនៅក្នុងវេទិកា ក្រោមទម្រង់ដែលអនុញ្ញាតឱ្យពួកគេនិយាយលម្អិតបានច្រើន។
