ការប្រជុំត្រួតពិនិត្យបណ្ណដាក់ពិន្ទុ

នៅថ្ងៃពុធ ទី១៧ ខែមីនា ឆ្នាំ២០២១ ក្រុមគម្រោងច្រកចេញចូលតែមួយសម្រាប់ពលរដ្ឋ (OW4C) របស់យើងបានរៀបចំកិច្ចប្រជុំអនឡាញមួយតាមរយៈកម្មវិធីហ៊្សូម (Zoom) ជាមួយតំណាងរដ្ឋបាលខេត្ត អង្កការសហគមន៍ អង្គការក្រៅរដ្ឋាភិបាល វិស័យឯកជន ក្រុមយុវជន និងអ្នកពាក់ព័ន្ធផ្សេងទៀត ក្នុងគោលបំណង ដើម្បីពិនិត្យលទ្ធផលប័ណ្ណដាក់ពិន្ទុដោយប្រជាពលរដ្ឋលើសេវាច្រកចេញចូលតែមួយកាលពីឆ្នាំ ២០២០ និងការឆ្លើយតបទៅនឹងសំណើរបស់ប្រជាពលរដ្ឋ ក៏ដូចជាការចែករំលែកបទពិសោធន៍នៃការសម្រេចបានរបស់គម្រោង ដែលបានអនុវត្តកន្លងមក ការបង្ហាញពីលទ្ធផលនៃការស្ទង់មតិប្រចាំឆ្នាំ និងប្រពន្ធ័ទិន្នន័យសាធារណៈរបស់គម្រោង។